دايم ناراحاتليق ايچينده ياشاييرسينيز؟
شنبه 16 فروردین 1393
دايم ناراحاتليق ايچينده ياشاييرسينيز؟
ايسترئسس - اينسان اورقانيزمينده يارانان ناراحاتليق و يا گرگينليك كيمي ايضاح اولونور. دئميك اولار كي، بيز هر گون ايسترئسله راستلاشيريق. لاكين بير چوخوموز ايسترئسين نه اولدوغونو هئچ بيلميريك ده. ايسترئسس ايسه پوتئنسيال تهلوكهيه ماليكدير.
ايسترئسس قان تضييقينين قالخماسينين، يورغونلوغون، بضا يوكسك آكتيوليگين؛ چوخ دانيشمانين و يا عكسينه، اؤزونقاپانمانين، ايشتاهين آرتماسينين و يا عكسينه، تئز-تئز قيدالانمانين سببي اولور.
بس ايسترئسسين ايلك علامتلري نه دير؟
ايسترئسسين قاندا شكرين ميقدارينين آرتماسي،دامارلارين دارالماسي (سپازمالار)، باش آغريلاري، بؤيوكلرده تضييقين، اورك دؤيونتولرينين آرتماسي، نبضين سرعتلنمهسي،درينين رنگينين ديَيشمهسي – قيزارماسي و يا آغارماسي،حركت آكتيوليگينين،ترلهمه و يا عكسينه،آغزين قوروماسي و س.كيمي علامتلري وار.
اوزونموددتلي ايسترئسس پيس يوخو، قيجيقلاما،آپاتييا، باش آغريلاري،دقتسيزليك، حزم پروبلئملري، عائلهدن،دوستلاردان اوزاقلاشما،ترلهين آللار،آغلاماق نئيستيي كيمي نتيجهلره گتريب چيخارير.
ايسترئسسله موباريزهنين يوللاري
ايلك نؤوبهده اينسان اوپتيميست اولماليدير. چونكي پئسسيميزم – ايسترئسين يوكسك سويّهده اولماسينا ضمانت وئرير. مونتظم اولاراق ايدمانلا مشغول اولماق لازيمدير. بئله اينسانلار قورخو، حياجان گتيرن هر بير شئيدن مومكون قدر اوزاق اولماليديرلار. سئوينميي اؤيرنمك لازيمدير. كئچميش حادثهلر حاقيندا چوخ فيكيرلشمهمهليديرلر. ياخشي ياتماق و دوزگون قيدالانماق لازيمدير. فيكيرلرين يؤنومونون ديَيشمهسيده واجيبدير.
ايسترئسس كئچيرن اينسان مشغوليّت تاپماليدير – دايما ناراحاتليق ايچينده ياشايان اينسانين بير ايشه و يا تحصيل آلماغا باشي قاريشيرسا،ايسترئس حاللاريندان آسانليقلا چيخيرلار. اؤزونو دايم گوناهلانديرماق اولماز، چونكي اؤزونو گوناهلانديرما ايسترئسسي آرتيرير، اؤزونوايداره ايسه عكسينه، آزالدير.
بير سؤزله ايسترئسه دوشمهييميزين و يا بو حالدان جانيميزين قورتارماغين اؤز اليميزدهدير. چونكي ان بؤيوك ايسترئسي اينسان اؤزو اؤزونه يارادير.