اوتوروشوموزا گؤره كاراكتئريميز
ايسترئسسي قيسا زاماندا نئجه آرادان قالديرمالي؟
ايسترئسسي قيسا زاماندا نئجه آرادان قالديرمالي؟
ايسترئسس ياشاديغيميز زامان احوال-روحيّهميز گئتديكجه ائنمهيه دوغرو گئدير. ايسترئسس- “سئوينجين اصل دوشمنيدير”! اونونلا نئجه موباريزه آپارماق اولار؟ ان اِففِكتيو آنتيسترئسس مئتودلاري آشاغيداكيلاردير:
1-5 دقيقهنيز وار؟
اگر سيز محض ايندي روحدان دوشوب، كدرلهنيرسينيزسه آشاغيدا سادالانان مئتودلاردان ايستيفاده ائتمكله احوال-روحيّهنيزي برپا ائده بيلرسينيز.
شوكالاد يئيين.او آغيزدا ياواش-ياواش ارييركن اورقانيزمده راحتليق يارانير: ممنوعنلوق حيسس يارادان سئروتونينين؛ فيزيكي و اورك آغريسيني ساكيتلشديرن ائندورفينين؛ سئوينجين طبيعي منبعيي - ائنكئفالينين،يونگول ائيفورييا كئچيرمهيه تأثير ائدن-آنانداميدانين سويّهسي آرتير.منجه گون عرضينده هر بيريميز 25 قرام اؤزوموزه بونو ائتمهيه ايجازه وئره بيلريك.
خوشبختليگي 1-2-3 ساييندا تقليد ائدين.1-جي باشينيزي قالديرين.2-جي چيگينلرينيزي دوزلدين. 3-جو گولومسهيين: دوداقلارينيزين كنارلاريني يوخاري قالديرين، يونگولجه گؤزلرينيزي قييين.عيني زاماندا حياتينيزين ان خوش آنينين دئتاللاريني(اهميّتلي اولسا بئله) خاتيرلاماغا چاليشين. بو زامان تكجه حادثهنين اؤزونو دئييل، اونو موشايت ائدن عطير، تاكتيل دويغولار، رنگ و س. خاتيرلاماغا چاليشين.بير نئچه ثانيهدن سونر سونيي ياراديلميش سئوينج حقيقي سئوينجله عوضلنهجك.
خوشاگلمز مسعوليّتلردن قاچين.مكتوبا جاواب وئرين، ديش حكيمينين قبولو اوچون قئيديّاتدان كئچين. “60 دقيقه قايداسي”نا ايستيناد ائدين: بوگونون ايشيني هئچ واخت صاباح ساخلامايين. ايشلري گؤردوكجه قئيديّات دفترچهنيزده اوستوندن خطت چكين.بونو ائتديكجه او قدر راحتلاناجاقسينيز كي، اؤزونوزده تعجبلنهجكسينيز كي بونو اوّللر نييه ائتمهمهميسينيز.
پنجرهني آچين.طبيعي كي، اِكولوگيا و هاوا بونا ايمكان وئريرسه.بو كيچيك سي بؤيوك نتيجهلر وئرير. عالم سانكي تام آچيلميش اولور!
10-15 دقيقهنيز وار؟
اِنِرژيني “آلداتماق”: آياغا قالخيب تدريجاً آدديملاري سرعتلنديرهرك هاراسا گئدين. تلفونلا دانيشاراق دهليز بويو گزين.ان ياخشيسي ايسه تميز هاوادا گزمكدير.بو اصول نظره چارپاجاق درجهده، حتي پيس هاوادا بئله،احوال-روحيّهني قالديرماغا سبب اولور.
خئييرخاه ايش گؤرمهيه چاليشين.قيابي ده اولسا بير-بيرينه احتياجي اولان ايكي اينسانلاري تانيش ائدين.تانيش، فايدالي اينفورماسييايا قولاق آسين.ايشيندن بير دقيقه اولسا بئله آيريلا بيلمهين كوللئقالارينيزا كوفئ، شيرنيّات گتيرين.ايستهنيلن خوش تأثير باغيشلايان ايشلر گؤرمهيه چاليشين. اطرافينيزداكيلارا مِهريبانجاسينا ياناشين.بو زامان اطرافداكيلارين سيزه موناسيبتينين ديَيشديگيني گؤرهجكسينيز.
موسيقي دينلهيين.سئويملي ماهنينين آرتيق ايلك صدالاريني ائشيدن زامان اكثريّت اينسانلارين احوال-روحيّهسي نظره چارپاجاق درجهده ياخشيلاشاجاق.بوندان علاوه موسيقي ايسترئسسي دئمك اولار كي، فيزيكي مشق قدر اِففِكتيو تأثير ائدير.مووافيق رئاكسييا سئويملي كيتابين اوخونماسي زاماني دا موشاهيده اولونور.بونو اِكسپِريمِنتال اولاراق ويردژين اونيوئرسيتئتينين پروفسورو مايكل كوبوك ثبوت ائتميشدير.او، هم ده موسيقي و اثر اوخومايا “فيكري حززين”كاتئقوريياسي ماراغين تعمين اولونماسي كيمي ده ياناشير.
اوتاغي سئوديگينيز عطيرله عطيرلنديرين. هميشه اِحتياطدا عطيرلي چوبوق، شام و يا ائفير ياغي –بير سؤزله سيزه خوش تأثير باغيشلايا بيلهجك هر بير شئيي ساخلايين.ائله بير گون يوخدوكي او همين گونو بزهمهسين.كيشيلر نادير حاللاردا بو اصولدان ايستيفاده ائديرلر، آنجاق بو او دئمك دئييل كي، اونلار بئله شئيلره قارشي قئيري-حساسديرلار.موتخهسيسلرين آرتيق قئيد ائتديكلري كيمي عطيرتئراپييادا تئز-تئز قيزيلگول، لاواندا، عطيرشاه، ژاسمين عطيرلريندن ايستيفاده ائديرلر.
دوش قبول ائدين.عموميّتله سو دئمك اولار كي، هر بير شئيه خئييردير: ايسترئسس و پيس احوال روحيّهني برپا ائدير، موثبت ايونالارلا دولو آتموسفئر يارادير، هر بير شئيي موثبته دوغرو يؤنلدير.
30 دقيقهنيز وار؟
تجروبهلي اصوللا هانسي حركتين ايسترئسسله موباريزهده داها اِففِكتلي تأثير ائتديگيني موعيّن ائدين.
اطرافينيزدا اولانلاري تميزلهيين:كاغيذلاري آييرين، زيبيللري آتين، لازيمي اشيالاري يئرينه قويون، دؤشهمهني تميزلهيين... تميزليك خوشبختليك گئنلرينين آكتيولشمهسينه سبب اولور – بو علمي فاكتدير! بيزيم شعورالتيميزدا تميزليگين آپاريلماسي سئوينجلي تزلهمه و خوشاگلن ديَيشيكليكله باغليدير.بو منفي ائموسييالارين ائو و يا ايش يئرينده خوشبختلييه كؤچورلومهسينين ان ياخشي اصولودور.
گلهجك خوشبختليلرين بونؤورهسيني قورماغا چاليشين.اولا بيلسين كي، بو دقيقه سيز ايلنمك احوال-روحيّهسينده دئييلسينيز.آنجاق واخت آييريب دوستلارينيزين توصيه ائتديگي كيتاب، موسيقي و يا كينو ديسكلري سيفاريش وئرين، گلهجك هفته سونو اوچون اكسكورسييا سيياهيسينا و يا ياخينليقداكي كينوتئاترلارين رئپئرتاورلارينا باخين، مضونيّتده ايستراحت ائتمك اوچون گئتمك ايستهديگينيز يئرلري سئچين.ياي سياهتينيزي بوتون تفرروواتي ايله قورماغا چاليشين.ايستهنيلن پلان قورون. اوّلجهدن ممنوعنلوق حيسّي كئجيرمهيه چاليشين.
اوتاق بيتكيلرينه خوشبختليك بخش ائدين.اونلاري سولايين، سارالميش يارپاقلاريني تميزلهيين. زومرودو رنگلي ياشيل بيتكي اينسانين احوال –روهيييهسيني ياخشيلاشديرير.
كومپوتئرينيزين ائكرانيندا ان سئويملي، سيزه خوش گلن شكيل يئرلشديرين.بو شكلي سئچمهنين اؤزو اينسانا موثبت حيسسلر بخش ائدير.
اؤزونوزدن اوزاقلاشماغا چاليشين.ياخينلارينيزدان، كوللئقالارينيزدان،قونشولارينيزدان اونلاري ايشي حاقيندا سوروشون.بونونلا سيز تكجه اؤز كدرينيزي اونوتمورسونوز، ائلهجه ده بير سيرا ماراقلي و فايدالي اينفورماسييا الده ائتميش اولورسونوز.
60 دقيقهنيز وار؟
“آنتيسترئسس” پروقرامينا بير ساعت واخت آييرين.قايغي و هيجان سئوينج و راحتليق حيسّي ايله عوضلنسين.
دوستلارينيزا موراجعت ائدين اگر مومكوندوسه ناهار فاصيلهسي و يا آخشام ايشدن چيخديقدان سونرا گؤروش تعيين ائدين.هئچ اولماسا چوخدان دانيشماديغينيز كيمسه زنگ ائدين.ماراقليسي بودور كي، اونسيّت هم اِكستراوئرتلرده، هم ده اينترووئرتلرده احوال-روحيّهني قالديرير.
گئجهلري قيسالدين.ائله گونلر اولور كي، روح دوشكونلويو كئچيريرسينيز، حتي خرونيكي حال آلير.بئله حاللاردا ان ياخشيسي،پنجرهلري پردهلهمك، ديوار شامدانلارين يانديرماق، ياتاغا تئز اوزانيب سئويملي كيتاب و يا ژورنال اوخوماغا باشلاماقدير.
دادلي بير شئيلر حاضرلايين. يئمك بيشيرمك – اينساني راحتلانديران اصوللاردان بيريدير.سيزين آشبازليق ياراديجيليغينيز احوال –روهيييهنيزي قالديرماغا يارديمچي اولاجاق. و يا عكسينه ائدين: ناهار يئمهيينيزي بير ساعت سونرا يئيين، ائله ائدين كي، آجاسينيز. آجليق حيسّينه جاوابدِه اولان قرئلين هورمونو قاندا ايسترئسس هورمونو - آدرئنالينين سويّهسينه نظارت ائدير. بيز آج اولاندا قرئلينين سويّهسي آرتير و او آنتيدئپرئسسانت كيمي چيخيش ائدير. بئلهجه بيز اؤزوموزو خوشبخت حيسس ائديريك.
“خوشبختليك مكتوبو” ترتيب ائدين.كيمه؟ اؤزونوزه. اؤزونوز اؤزونوزه 300 خوش سؤز يازين. خصوصيله ده نئجه باجاريقلي اولدوغونوزو، اؤزونوزون نئجه فرقلنديگينيزي قئيد ائدين. بئله داورانيش هم بيزي خوشبخت ائدير، هم ده ايسترئسه داواملي اولورسونوز!
زامان رهبرليگي
زامان رهبرليگي
زامان اصلينده هر كس اوچون ثابتدير، ديگر بير دئييشله هر كس اوچون گونده 24، هفتهده 168 ساعت وار. آنجاق بنزر شرطلرده ياشايان و ايشلهينلر ايستحصالدا فردي قابيليّتلردن قايناقلانان فرقليليكلر گؤسترير. بو فرقي يارادان فاكتورلاردان بيري ده زامانين نئجه ايستيفاده ائديلديگيدير. زامان رهبرليگي، زاماني عاغيلليجا ايستيفاده ائدهرك داها محصولدار نتيجهلر الده ائديلمهسيني تعمين ائدير. گونوموزون شرطلرينه گؤره گوندهليك حياتين لازيملي ايشلريني يئرينه يئتيرمك زامانا قارشي رئاللاشديريلان بير مشغوليّت حاليني آلميشدير. بونا گؤره زاماني ياخشي قيمتلنديرميي اؤيرنمك هر كس اوچون ايسترئسسي آزالداجاق، فايدالي بير باجاريقدير.
زامان رهبرليگي اوچون ائديلمهسي لازيم اولان ايلك شئي زامانين نئجه كئچيريلديگيني تعيين ائتمكدير. هر كسين حياتيندا ثابت اولان يوخو، يئمك يئمك، فردي تميزليك و باخيم، نقليّات كيمي زروري ايشلر اوچون خرجلنن زامان چيخاريلديقدان سونرا قالان مدت اوچون پلانلاشديرما آپاريلا بيلر. پلان حاضرلاياركن دوروست و حقيقي اولمالي، وظيفهلري ايله ياناشي اجتماعي فعاليّتلر و مشق اوچون ده زامان آييرماليدير. اوزون و قيسا وعدهلي هدف و پريوريتئتلري تعيين ائتمك، هدفلر اوچون حركت پلاني حاضرلاماق، بونلاري رئاللاشديرماق اوچون ائديلهجك ايشلر سيياهيسي حاضرلاماق، پريوريتئتلري تعيين ائده بيلمك، خئير دئيه بيلمك، عيني زامان ديليمينه بير نئچه ايشي سيخيشديرماق (مثلا ايشه يا دا مكتبه گئدركن و يا بير شئي گؤزلهيركن كيتاب اوخوماق، يئمك حاضرلاياركن يا دا دوش قبول ائدركن اوّلدن يازيلميش درس قئيدلريني كاسئتدن دينلهمك كيمي) بو مؤوضودا اساس باشليقلاردير.
تئلئويزييايا و يا آلوئره باشيني قاتماق، تلفوندا صؤحبت ائتمك ان اهميّتلي زامان اوغرولارينداندير. خبرسيز گلن قوناقلار و قضالار (كامپيوترينيزين چؤكمهسي يا دا ويروس دوشمهسي، ايشيغين سؤنمهسي، بيتميش تاپشيريغين اوزرينه چاي تؤكولمهسي، بير ايشي ائتمك اوچون لازيملي وسايطلرين هاميسينا صاحب اولونماديغينا سون آندا دقت ائديلمهسي كيمي) خصوصيله موعيّن بير تاريخده بيتميش اولماسي لازيم اولان ايشلرين پلانلانماسيندا اوّلجهدن حِسابلانمازسا " زامان رهبرليگي فلاكتلري " نه چئوريله بيلر.
بيتمهين صؤحبتلري كسمك، دعوتسيز قوناقلاري آرادان قالديرماق اوچون اؤزونوزه اويغون بير حلّي اوّلجهدن حاضرلايين. داواملي ايشلرينيزي بيتيرمك اوچون واختي حِسابلاياركن سون گونلري، ساعتلاري و ثانيهلري حِسابا سالمايين. لازيمديرسا سيزه زاماني خاتيرلاتماق اوچون زنگلي ساعت ايستيفاده ائدين و بير ايش اوچون آييرديغينيز زاماندا حقيقتاً او ايشي ائتمكده اولدوغونوزدان امين اولون.
هر شئي سيزدن آسيليدير. ايشلرينيزي پريوريتئتلشديرميي باجارين! اوغورلار!!!
گؤزلريميز نه دئيير؟
گؤزلريميز نه دئيير؟
گؤزلرينيزين اصلينده حاقينيزدا چوخ شئي سؤيلهديگيني بيليردينيزمي؟
قهويي گؤزلر
قهويي گؤزلره صاحب اينسانلار عادتاً دقت مركزينده اولماغي چوخ سئويرلر. عاغيلليديرلار آنجاق اونلارا نه ائدهجكلرينين دئييلمهييندن هئچ خوشلاري گلمز. ياراديجيديرلار و يئني دوشونجهلره اينانيلماز درجهده ماراق گؤستريرلر. بو گؤزلره صاحب اولان اينسانلار عادتاً حيسسلريني بيلديرمهيه اوتانيرلار و چوخ واخت حقيقي حيسسلريني بيروزه وئرمكدن چكينيرلر.
ماوي گؤزلر
ماوي گؤزلره صاحب اينسانلار ديگرلرينه نيسبتاً داها جلب ائديجيديرلر. عموميّتله، اؤزوندن راضي، سويوق گؤرونن آمما اصلينده اؤزلريندن چوخ باشقالارينا قايغي گؤسترميي سئون، كؤمكجيل و ياخشي نيّتلي اينسانلاردير. جمعيّت ايچريسينده اولماغي ديگر اينسانلارا نيسبتاً داها چوخ سئويرلر. دنيزلري و اوكئانلاري چوخ سئويرلر.
ياشيل گؤزلر
سئوگي موناسيبتلري چوخ اوزون مدتلي اولور. طبيعتي و ماجراني هئچ واخت حياتلاريندان چيخارماق ايستميرلر. دويغولاريني چوخ دريندن ياشاييرلار. بضا چوخ قيسقانج اولا بيليرلر. اوزلرينه بير شئي دئيركن دقتلي اولماليسينيز چونكي ياشيل گؤزلو اينسانلار سؤزلريني دانمازلار و حاضرجاوابديرلار.
بوز گؤزلر
بوز رنگ گؤزلره صاحب اولان اينسانلار حساسديرلار. بوز گؤزلو اينسانلار آلا گؤزلو اينسانلارا اوخشاييرلار. دايم مشغوليّتده اولا بيلرلر چونكي اِنِرژيلري هئچ بيتمهيهجك كيمي گؤرونه بيليرلر. ياغيشي و راحتليغي چوخ سئويرلر. چوخ عاغيلليديرلار.
"سن" مئساژي يئرينه "من" مئساژي
"سن" مئساژي يئرينه "من" مئساژي
“ من " ديلي، شخصين او آندا قارشيلاشديغي وضيّت و يا داورانيش قارشيسيندا، فردي رئاكسيياسيني دويغو و دوشونجهلرله آچيقلايان بير ايفاده طرزيدير. دويغو و دوشونجهلريميزي صميميليكله ايفاده ائتمهييميزدير. باشقالارييلا علاقه دار قيمتلنديرمه و شرحلريميزي دئييل، اؤز دويغو و حياتلاريميزي آچيقلايير. " من " مئساژيني ائشيدن آدام، قارشيسينداكينا نه حيسس ائتديرديگيني اؤيرنر و اگر بو منفي بير دويغودورسا، اؤز ايستيييله داورانيشيني ديَيشديرر يا دا ديَيشديرمز. يعني داورانيشينين مسعوليّتي تاماميله اؤزونه عايد اولور. گوناهلانديرما اولماديغي اوچون " من " مئساژي ايله دئييلن سؤزلر، عموميّتله كؤنوللو بير فرقلي داورانما سيينه زمين حاضرلايا بيلر. " من " ديلينين ان اهميّتلي فايداسي ايسه، قارشيميزداكي آداما " من بئله حيسس ائديرم آمما بو داورانيشين هر كسه بئله حيسس ائتديرمهيه بيلر " معناسيني اِحتيوا ائدن بير مئساژ گؤندريلديگيندن، اونون گوناهلانديريلمادان اؤزونو نظردن كئچيرمهسينه ايمكان تاپماسيدير. چونكي قطعيليك اِحتيوا ائدن موحاكيمه ائتمهلر قارشيسيندا خصوصيله اوشاقلار، نه ائدهجكلريني بيله بيلمزلر.
- " سن " مئساژي يئرينه...
- چوخ كوبودسان! هميشه سؤزومو كثيرسن!
- " من " مئساژي وئرين...
- بير شئي سؤيلهمهيه باشلاييب، هئچ جور سونونو گتيره بيلمهديگيم زامان چوخ ناراحات اولورام.
- " سن " مئساژي يئرينه...
- قولومو چكيشديرمه!
- " من " مئساژي وئرين...
- قولومون چكيشديريلمهسيندن خوشوم گلمير.
" سن " مئساژي اونسيّته مانعهلر تؤرهدر. سن مئساژي، سن ديليدير و عموميّتله حيرصليليك ايفادهسي اوچون ايستيفاده ائديلير. سن مئساژلاري، بيزيم حاقيميزدا بير مئساژ گؤندرمز، مركز هميشه قارشيميزداكي آدامدير. " من " مئساژي گؤندرن آدام، اؤزو حاقيندا ائتديگي قيمتلنديرمهني قارشيسينداكي آداملا پايلاشماق ايستهيير. " من " مئساژلاري قارشيميزداكي آدامي گوناهلانديريجي ايفادهلردن تميزلنميش و تاماميله اؤز دويغو و دوشونجهلريميزي اِحتيوا ائتديگيندن، اونسيّتين موثبت سورمهسينه تأثير ائده بيلرلر. حيرصليليك حيسس ائتديگيميز وضيّتلرده، بونو " من " مئساژي ايله چاتديرماغيميز، قارشيميزداكينين مودافيهيه كئچمهيينه، حيرصله جاواب وئرمهيينه، اؤزونو سيخيشديريلميش حيسس ائتمهيينه، گوناهلانديريلماغينا و دانيشماقدان قاچينماغينا مانعه تؤرهده بيلر. سيزه سؤزله هوجوم ائديلمهديگي مدتجه، ناراحاتليغيني و حيرصليليگيني ديله گتيرن بيريسي ايله راضيلاشماق مومكوندور.
آذربايجانين ايلك ميلّي شخصي اينكيشاف پورتالينين فيس بوك صحيفهسينه سيز ده قوشولون!
توكنميشيك؟؟؟
توكنميشيك؟؟؟
بضا بير ياخنين ايتكيسي، بضا پئشه تعمينسيزليك و خيال قيريقليقلاري، بضا ده شخصيت قورولوشو ... يورغونلوغا سبب اولان چوخ سايدا پسيخولوژي فاكتور وار. ايسترئسس بو مؤوضودا تاختيني اينسانا قاپديرماياجاق كيمي گؤرونور. جمعيت اولاراق چوخوموزون پروبلئمي اولان يورغونلوغون يالنيز فيزيكي دئييل پسيخولوژي سببلري ده اولا بيلير. "گونوموز حيات شرطلري اينسانلاردا فرقلي سببلرله يورغونلوغا گتيريب چيخارير" و زامان- زامان هر كسين يورولا بيلهجيي بو وضعيتين اوزون سورمهسي و يا ائديلنلرين كافي اولماماسي حاليندا بونون بير پروبلئمه چئوريلير.
آدامي پسيخولوژي باخيمدان يورابيلهجك ان دقته چارپان پسيخولوژي فاكتورون ايسترئسس اولدوغو ايفاده ائديلير. حياتدا قالا بيلمك اوچون داواملي آرتان ايش احتياجي و گئدهرك آرتان يوكسك موفقيت احتياجي گونوموز ايش شرطلرينين اولمازلاري آراسيندا وار. ' توكنميشليك سيندرومو "آدي آلتيندا تئز-تئز قارشيميزا چيخان بو وضعيت، ايشينين لازيملي نتيجهسينده كؤهنهلن ايشچينين، فيزيكي و رومانتيك باخيمدان يورولماسيندان و توكنديگيني حيسسئتمهسييله مئيدانا گلير. داواملي يورغون و ايستكسيز حيسس ائدهرك ايشه گئدن شخصلر بو قروپون ناميزدلري آراسيندا وار. بو جور حيسسلر ايمتاهان ايسترئسييله باش ائتمهيه چاليشان طلبهلرده ده گؤروله بيلير. آدامين ياشاديغي ايتكين و آيريليقلار، گلهجهيه داير قايغيلار، گوندهليك حياتين چتينليكلري، اوميدسيزليك و چارهسيزليك حيسسلري ده آدامي رومانتيك باخيمدان يوران پروبلئملر آراسيندا گؤستريلير. "يورغونلوق حيسسينين پسيخولوژي منشألي اولا بيلمهسي اوچون يورغونلوغا سبب اولاجاق فيزيكي خستهليك احتيماللارينين اورتادان قالخماسي لازيمدير".
ايسترئسس سويهسينين چوخ يوكسك اولماسي، آدامي هم رومانتيك هم ده ذهني معنادا توكنمهيه دوغرو آپارير. دئپرئسيف سئمپتوملاري اولان بيرينده هم موحرّيك فعاليتده ياواشلاما هم كونسئنتراسييا و دقتي توپلامادا چتينليك هم ده ذهني يورغونلوق گؤروله بيلير. يورغونلوق و حالسيزليق، ان چوخ ماژور دئپرئسسييا و دامار پوزوقلوقلاريندا گؤرولور. خصوصيله دئپرئسيف دويغو وضعيتينده يوخو نيظاميندا ياشانان پوزولمالار، آدامين گوندهليك حياتدا ياتاقدان قالخماياجاغ قدر يورغون حيسس ائتمهسينه سبب اولور. بضا دئپرئسسييادا اولان كسلر ايچينده اولدوقلاري حالي، "فيزيكي بير ائفور نتيجهسينده يارانان يورغونلوقدان چوخ داها چوخ" سؤزلرييله تعيين ائدير. بونون يانيندا، آنكسييئته پوزغونلوقلاريندا آدام زئهينيني سيخ شكيلده مشغول ائدن قايغي و قورخولارلا باجارا بيلمهديگي اوچون هم جدي بير ذهني يورغونلوق ياشايير هم ده ساكيتلشيب يوخويا گئتمكده و يوخونو داوام ائتديرمكده چتينليك چكير. رومانتيك و فيزيكي گرگينليك عضلهلرده دا گرگينلييه سبب اولونجا، آدامين اؤزونو يورغون و حالسيز حيسس ائتمهسي قاچينيلماز حالا گلير.
نؤوبهلي چاليشان داها چوخ يورولور.
پسيخولوژي يورغونلوغا هر پئشه قروپوندا راست گلينمكله بيرليكده، اينسانلارلا بيره-بير علاقهده ائديلن ايشلرده داها چوخ گؤرولور. خصوصيله سهيه ساحهسينده چاليشانلارين داها بؤيوك ريسك آلتيندا اولدوقلارينا دقت چكيلير. نيظامسيز اويغونلاشمايا ساعتلاري معناصيني وئرن نؤوبهلي ايش شرطلري آدامي پسيخولوژي يورغونلوغا آچيق حالا گتيره بيلير. طيبب باجيلاري، حكيملر، پوليسلر و بنزري پئشه قروپلاريندا چاليشان كسلرين اؤزلريني داها يورغون حيسس ائتمه سببينين بو اولدوغو ايفاده ائديلير. ائهتيراسلي، ايدارهچي، رقابتچي، صبيرسيز، ايشدهكي و حياتداكي مؤوقئسييله باشي چوخ مشغول، دقيق و چوخ ائلاستيك قورولوشدا اولمايان شخصلرين يورغونلوق حيسسلرينه قاپيلما احتيماللاري بو خصوصيتلره صاحب اولمايان شخصلره نيسبتاً داها يوكسك اولور. سهو ائتمكدن هئچ خوشلانماييب هر مؤوضودا ان ياخشي اولماغا چاليشان موكممهلييتچي كسلر ده بو قروپدا ايشتيراك ائدير.
عذر ايستهمهيين قازانجي
عذر ايستهمه يي منفي بير وضعيت اولماقدان چيخارماق سيزين الينيزده. عذرونوزون مقصدينه چاتماسي اوچون بيلمهيينيز لازيم اولان دؤرد آدديم وار. بو آدديملاري ايزلهيهرك عذر ايستهمهيين قازانجلارينا چاتا بيلرسينيز ...
عذر ايستهمهيين آسان يوللاري
عذر ايستهيركن هانسي سؤزلري ايستيفاده ائتمك لازيمدير؟ هانسي عذر ايفادهسي قارشي طرفده نئجه بير تأثير بوراخار؟ عذر ايستهمك بيزه نه قازانديرير؟
بو بير حقيقتدير كي، باشقالارينين سيزدن عذر ايستهمهسيني گؤزلهييرسينيزسه يا دا اوشاغينيزين عذر ديلهميي اؤيرنمهسيني ايستهييرسينيزسه سيز ده عذر ايستهيه بيلمهليسينيز. آمما نه مقصدله و نه شكيلده عذر ايستهديگينيزه ده اهميتلي اولدوغونو اونوتماماليسينيز. پئشمانليغينيزي يا دا اوزونتونوزو ديله گتيرمك اوچونمو عذر ايستهييرسينيز يوخسا عذر سيزين اوچون آرخاسيندان گلهجك "آمما ..." لي جومله اؤزونوزو مدافعه و تميزه چيخارما دانيشماسينين باشلانغيجيمي؟
آغزينيزدان چيخان "عذر" سؤزونون آدي بير ايفاده كسب ائتمهمهسي، قارشي طرفه دوغرو كئچمهسي لازيمدير.
عذرو منفي بير ايفادهيه چئوريلمهمهسي، مقصدينه چاتماسي اوچون عذر ايستهمهنين آسان يولو، بو دؤرد آدديمي تطبيق ائدين:
1. قبول ائتمه
"قبول ائديرم، سنه ووردوغوم اوچون گوناهكارام"
بو ايفاده هر ايكي طرفي ده ساكيتلشديرر. يعني سيز اؤزونوزو مدافعه ائتمهيه احتياج بيلمزسينيز، قارشي طرف ده هله حيرصلنمك اوچون بير شئيلر تاپماقدا چتينليك چكر.
عذر
"سني اينجيتديگيم اوچون عذر ايستهيهرم"
بو قارشي طرفين آغريسيني آنلاديغينيزي گؤسترن موسبت بير ايفادهدير.
3. گوناهيني يوما
"بونو كومپئنساسييا ائتمك اوچون نه ائده بيلهرم؟"
بو، قارشي طرفين آغريسيني آزالتما ايستهيينده اولدوغونوزو گؤسترمك اوچون دوغرو بير ايفادهدير.
4. سؤز وئرمه
"دوستلوغوموز منيم اوچون چوخ اهميتليدير و من دوست اولاراق قالماميز اوچون اليمدن گلن هر شئيي ائتمهيه حاضرام"
بو عذرو قبول ائديلمهسيني گؤزلهمه و علاقهنين داوامليليغيني ايستهديگينيز مؤوضوسوندا صميميتينيزي گؤسترن بير ايفادهدير.
بو دؤرد آدديم يالنيز سيزين اؤز داورانيشلارينيزي شكيللنديرميي مقصد قويور، يوخسا باغيشلانماغينيزي دئييل. قارشي طرفي هئچ بير زامان نظارت ائده بيلمزسينيز، اونوتمايين.
عذر ايستهمهنين قازانجلاري
• حؤرمت: عذر ايستهميي باجارماق اؤزونوزه حؤرمتي اؤزو ايله گتيرر. قارشي طرفين شرطسيز بير شكيلده عذرو قبول ائتمهسي اونا دا حؤرمت ائتمهيينيزي تعمين ائدر.
• اؤيرنمه: بير سهودن درس چيخارماق، اولجه سهوي قبول ائتميي طلب ائدير. مدافعه ائتمهيه كئچر و يا داورانيشينيزي اونوتمايا چاليشسانيز سهودن درس چيخارميرسينيز دئمكدير. بو دا عيني سهوي تكرارلاما ريسكي گتيرر.
• اعتبار: عذر ديلهيهرك، سهون رئاللاشديرديغينيز بير حركتين كاراكتئرينيزه قايناقلانماديغيني، يالنيز بير سهو اولدوغونو اورتايا قويارسينيز و حؤرمتينيزي ايتيرمزسينيز.
• باغلانما: قارشيداكي آدامين حيسسلريني آنلاديغينيزي، اونا قارشي ائمپاتي ائتديگينيزي گؤسترر، آرانيزدا بير علاقه مئيدانا گلمهسيني يا دا وار اولان باغين قوپماماسيني تعمين ائدرسينيز.
ايش موحيطينده بدن ديلي
ايش موحيطينده بدن ديلي
ايشينيزده يوكسلمهنيزين اوفيسده نئچه ساعت قالديغينيزلا، اينسانلارلا نئجه اونسيت قوردوغونوزلا و يا نئچه لاييههده ايشتيراك ائتديگينيزله علاقهسي اولمايا بيلر. ايشين سيرري حركتلرده گيزليدير. يالنيز بدن ديلينيزدن ايستيفاده ائدهرك هئچ كيم فرقينه وارمادان هر شئيين ايستهديگينيز شكيلده نتيجهلنمهسيني تعمين ائده بيلرسينيز. بدن ديلي متخصصي ژانينئ دريوئر، اؤزونوزو گؤسترمه شكلينيزده ائتديگينيز كيچيك ديَيشيكليكلرين قيسا يولدان باشقالارينين شعورالتينا خيتاب ائده بيلهجهييني ايفاده ائدير. اولدوغونوز موحيطلرده سيزه اوستونلوك قازانديراجاق حركتلر:
ايجلاسين اولدوزو اولون
اؤزونوزه موديرينيزه ياخين بير ستول سئچين. بو سايهده آوتوماتيك اولاراق اؤزونو سيزه داها ياخين حيسس ائتمهسيني تعمين ائده بيلرسينيز. اوتورما شكلينيز ده چوخ اهميتليدير. كورسونوزون اوجوندا اؤنه دوغرو اوتوراراق اطرافينيزا، ايشه فوكوسلانديغينيز سيقناليني وئرمهيينيز مومكوندور. الينيزه موديرينيزين سئوديگيني بيلديگينيز بير شئي آلين. بو، اونون ان سئوديگي قهوه نؤع و يا ايستيفاده ائتديگي ماركا بير قلم اولا بيلر. بو پسيخولوژي قارشيليقلي تأثير اونون ذهنينده ايكينيزي بير آرايا گتيرر و ديله گتيرديگينيز فيكيرلره دستك اولماسيني آسانلاشديرار.
هامييا “بلي” دئديردين
ايش يولداشينيزدان بير ياخشيليق ايستهيركن بير اوووجونوز يوخاري دوغرو باخسين. پوليسلر، بو حركتدن عموميتله، سورغويا چكديكلري آداما تأثير ائتمك و راضي سالماق اوچون ايستيفاده ائديرلر. ايستهديگينيز شئيي ايفاده ائديب سؤزلرينيزي بيتيرركن الينيزي اورگينيزه قوياراق قارشينيزداكينا دوست اولدوغونوز مئساژيني وئره بيلرسينيز. سون اولاراق اصل ايستهيينيزي سؤيلهمهدن اول بير نئچه سانييه سوسون. "بيليرم هاميميز چوخ مشغولوق آمما (بير آز سسسيزليك ) بو گون بير آز تئز چيخسام مني ايداره ائده بيلرسنمي؟" دئيه بيلرسينيز. بو دقته چارپان سسسيزليك قارشينيزداكينين سيزه بلي دئمهسيني آسانلاشديران بير شعورالتي امريدير.
سينير پوزان ايش يولداشينيزي سوسدورون
يولداشينيز ماسانيزين يانيندا دانيشاركن ايشه داوام ائدين. آرديندان بارماقلارينيزي سلاحي خاتيرلادان بير شكله سوخون (باش و ايشاره بارماقلارينيز خاريج اولماقلا ديگر بارماقلارينيزي يومروق ائدين. سربست بوراخديغينيز بو بارماقلار بير سلاحين لولهسيني خاتيرلادار). ايشاره بارماغينيزي دوداقلارينيزا آپاراراق دانيشماق ايستهمهديگينيزي بيلديره بيلرسينيز. سيزي آنلاماقدا چتينليك چكيرسه، بارماغينيزي اونا دوغرو چئويرهرك چوخ نورمال بير شئي سؤيلهييرميشسينيز كيمي "چوخ ايشيم وار" دئيه بيلرسينيز.
سهوينيزين اوزرينده دورمايين
دئيك كي، ايشلري مهو ائتدينيز. ايش، بونو موديرينيزه اعتراف ائتمهيه گلديگينده اونون بير مئتر اوزاغيندا و يان طرفينده دورون. بو دوروش شكلي اونون شعورالتينا بو سهوين اوزرينده چوخ دايانماماسي لازيم اولدوغو مئساژيني وئرهجك. "همچينين، بو سهو بير داها قطعين تكرارلانماياجاق" دئيهرك وضعيتين جديليگيني بيلديگينيز مئساژيني وئره بيلرسينيز.
اوفيس بلاليسيندان قورتولون
چنهنيزي يونگولجه قالديرين و اونا بيرباشا خيتاب ائدين. باشينيزي يانا ياتيرتماق قارشينيزداكيندان تسديق ايستهديگينيز معناسينا گله بيلر. اؤزونوزه اولان گووهنينيز سانكي اوزرينيزدن آخسين. اونو يولا وئرن بير ال حركتي ائدهرك اصل ايدارهنين سيزده اولدوغونو اونا گؤستره بيلرسينيز.
رقابتچي ايش يولداشينيزين اؤهدهسيندن گلين
دانيشاركن قولونوزو اونون ماساسينين اوزرينه دوغرو اوزادين. بو، "سنين ساحهنده اولماقدان قورخمورام" مئساژيني وئرر. اونون ماساسينا توخوناراق اؤزونوزو گؤسترين و حيرصلنديگينيز بير شئي وارسا آچيق - آچيق سؤيلهيين. اونا بو شكيلده مئيدان اوخوياراق ايشلري يولونا قويا بيلرسينيز.
آذربايجانين ايلك ميللي شخصي اينكيشاف پورتالينين فيس بوك صحيفهسينه سيز ده قوشولون!
اوغورلو اونسيت اوچون 18 بدن ديلي تاكتيكاسي
اوغورلو اونسيت اوچون 18 بدن ديلي تاكتيكاسي
Henrik Edberg –دن...
بدن ديلي معنوي دونياميزين چؤله آچيلان پنجرهسيدير. بونا اوچون ده اطرافيميزا موسبت مئساژلار وئرمك اوچون بدن ديليندن ايستيفاده ائده بيلمك لازيمدير. بودور سيزه بير نئچه توصيه:
1 - قوللارينيزي و قيچلارينيزي چاپرازلامايين: بو حركت مدافعه دئمكدير. قوللارينيزي دا قيچلارينيزي دا سربست بوراخماليسينيز. چوخ ياييلمادان طبيعي كي!
2 - گؤز كونتاكتي قورون آمما گؤزونوزو ديكيب باخمادان: دانيشديغينيز اينسانلارين گؤزلرينه باخين. بو اونلارين سيزه اينانماسيني تعمين ائدير. آمما چوخ دقتلي و گؤزونوزو آييرمادان باخماماغا چاليشين؛ چونكي بو همصؤحبتينيزي ناراحات ائده بيلر.
3 - اؤزونوزه عايد بير يئرينيز اولماسيندان چكينمهيين: راحت اوتورون، كؤشهنيزده بوزولمهيين، "اوتوردوغوم يا دا گؤزلهديگيم بو يئر هلهليك منيمدير" ايميجي يارادين. قوللارينيز، قيچلارينيز، قامتينيز سوني دئييل راحت اولسون.
4 - چيگينلرينيزي راحت بوراخين: گرگين اولدوغوموز زامان آغير بير يوك گؤتورموش كيمي چيينيميزي آشاغي سالاريق. بو بيتميش، توكنميش و چارهسيز گؤرونمهييميزه سبب اولار. چيگينلرينيزي بير مدت اؤنه - آرخايا حركت ائتديرهرك راحتلاشديرين، چيگينلرينيز و بوينونوز ديك اولسون. طبيعي كي، هدديني آشمادان و سونيلييه قاچمادان ...
5 – همصؤحبتينيزي آنلاديغينيزي گؤسترين: قارشينيزداكي آدام دانيشاركن اونو دينلهديگينيزي گؤسترمك اوچون باشينيزلا تسديقلهيين. آمما شيشيرتمهيين، يوخسا آغاجدهلن wوودي دامغاسي يئيرسينيز.
6 - باشينيزي ديك ساخلايين: آمما سوني دئييل راحت و طبيعي بير شكيلده ...
7 – همصؤحبتينيزه يؤنهلين: قارشينيزداكي آدامين سؤزلرينه اهميت وئرديگينيزي موعيين ائتمك اوچون اونا يؤنهلين و يونگولجه اونا دوغرو اييلين. بو اسنادا راحت اولدوغونوزو گؤسترمك اوچون ده آرا سيرا آرخانيزا سؤيكهنين. چوخ چوخ اؤنه اييلمهيينيز تسديق گؤزلهديگينيز و يا چارهسيز اولدوغونوز، چوخ چوخ آرخايا ياسلانماغينيز دا ترس و مسافهلي اولدوغونوز مئساژيني وئرر.
8 - گولومسهيين: بعضي شئيلري خفيفه آلماغي بيلين؛ حادثهلرين آرخا اوزوندهكي يومور ايستيقامتيني گؤرون. راحت اولون، گولومسهيين. موسبت اولسانيز اينسانلار سيزي دينلهمهيه داها كؤنوللو اولارلار. آمما اؤز زارافاتلارينيزا گولن ايلك آدام سيز اولمايين. بو چارهسيز و ناراحات اولدوغونوزو گؤسترير. بير آداملا تانيش اولدوغونوزدا دا گولومسهمهيه لاقئيد ياناشمايين، آمما بو گولومسهمه اوزونوزه ياپيشماسين، عكس حالدا صميمي گؤرونمز.
9 - اوزونوزه توخونمايين: بو ناراحات اولدوغونوزو، عيني زاماندا دقتينيزين داغيلديغيني گؤسترير.
10 - گؤزلرينيز يئره دئييل قارشييا باخسين: يئره و يا همصؤحبتينيز خاريجينده اطرافداكي باشقا شئيلره باخمايين. باشينيز ديك، گؤزلرينيز قارشيدا اولسون؛ آمما اؤنونوزو گؤره بيلمهيهجك قدر ده اوزاقدا دئييل ...
11 - ساكيت اولون، تلسكن داورانمايين: سرعتينيز چوخ شئيي ايضاه ائدر. مثلا، ياواش -ياواش گزيرسينيزسه بو سيزي ساكيت، اؤزونه ايناملي و ايسترئسسسيز گؤسترير. دئيك كي، بيريسي سيزه سسلهنير، بوينونوزو سرعتله بيردن او يانا چئويرمك يئرينه ياواش و ساكيت بير شكيلده يؤنلسهنيز داها اؤزوندن امين بير دوروش سرگيلهيرسينيز.
12 – چوخ ترپنمهيين: بارماقلارينيزي و بوينونوزو شاققيلداتماق يا دا ماسايا وورماق، ، قيچلارينيزي يئللهمك كيمي گرگينليگينيزي موعيين ائدن بو تيپ حركتلردن چكينين. بو ايميجينيزي زدلهمكله قالماز، قارشينيزداكي آدامين دقتينين داغيليب ناراحات اولماسينا گتيريب چيخارار.
13 - اللرينيزدن ايناملي بير فورمادا ايستيفاده ائدين: اللرينيزي اوزونوزده گزديرمك و يا بير يئره وورماق يئرينه اونلاردان دانيشيغينيزي گوجلنديريجي واسطهلر اولاراق ايستيفاده ائدين. ايضاه ائتديكلرينيزين تأثيريني آرتيرماق اوچون شيشيرتمهيه قاچمادان اللرينيزله آچيقلامالارينيزا گوج قاتين. ايضاه ائتديگينيز بير شئيين بؤيوكلويونو، تأثيريني ايفاده ائتمك اوچون اويغون ال حركتلريندن ايستيفاده ائده بيلرسينيز. آنجاق اللرينيزين اورادان اورايا سوورولماسينين قارشيسيني آلين، اونلاري ايداره ائتميي بيلين.
14 - ايچكينيزي سينهنيزين آشاغيسيندا ساخلايين: صؤحبت اسناسيندا الينيزده چاي، قهوه يا دا مئيوه سويو كيمي بير ايچكي وارسا بونو سينه خطتينده، يا دا چنهنيزه ياخين بير يئرده توتماق سيزي مدافعهچي و مسافهلي بير آدام اولاراق گؤسترر. ستكاني داها آشاغيلاردا، مثلا بئل ناهييهنيزده ساخلايين.
15 - اونورغانيزين هارادا بيتديگينين فرقينده اولون: چوخوموز اوزوموزو ديك توتوب باشيميزي اؤنه ايهرك ديك اوتوردوغوموزو سانيريق. آنجاق اونورغاميز زنن ائتديگيميز كيمي بوينوموزدا دئييل داها يوخاريدا، باشيميزين آرخا قيسيمينده بيتير. اوتوروشونوزدا بو معلوماتي فيكرينيزده توتون و بئلينيزله بيرگه باشينيزي دا ديك ساخلايين.
16 – همصؤحبتينيزله آرانيزداكي مسافهني تارازلايين: قارشينيزداكي آداملا آرانيزداكي مسافه 1 مئتردن آز اولماسين. بو مسافه ياخينليق درجهسينه و دانيشيلان مؤوضويا گؤره ديَيشر آمما تكرارلانان قايدا بودور. همصؤحبتينيزين فردي ساحهسينه داخيل اولمايين، عكس حالدا سيخيلماسينا و دقتينين داغيلماسينا گتيريب چيخارارسينيز. بو حالدا اوزون بير صؤحبت ده خيال اولار.
17 - يامسيلايين: همصؤحبتيميزله آراميزدا ياخشي بير اونسيت مئيدانا گلميشسه، فرقينه وارماساق دا بير-بيريميزين بدن حركتلريني يامسيلاياريق. سيز ده بونو بير قايدا حالينا گتيرين. همصؤحبتينيز سيزه دوغرو اييلميشسه سيز ده اييلين، سيزه گولومسهييرسه سيز ده گولومسهيين. طبيعي كي، هدديندن آرتيغا قاچمادان! آمما هر حركتيني درحال آردينجا تكرارلاماق قريبه بير آتموسفئر ياراداجاق. بورادا دا اؤلچونو قاچيرماماغا فيكير وئرين.
18 - موسبت ياناشما سرگيلهيين: موسبت، آچيق و راحت اولون. حيسس ائتديگينيز هر شئي بدن ديلينيزه، اورادان دا همصؤحبتينيزه عكس اولونور. بونا گؤره ده دويغولارينيزي ايستيقامتلنديرين، موسبت دوشونجهلر بسلهيين.
آذربايجانين ايلك ميللي شخصي اينكيشاف پورتالينين فيس بوك صحيفهسينه سيز ده قوشولون!